ទីតាំងលេងល្បែងស៊ីសងឆ្នោតឡូតូតាមប្រព័ន្ធអនឡាញរីកដូចផ្សិតក្នុងទឹកដីខណ្ឌមានជ័យរីលោកអធិការវិញរក្សារភាពស្ងៀមស្ងាត់ ព្រោះចាញ់បារមីម្ចាស់ទីតាំងទាំងនោះ!
ភ្នំពេញ÷ថ្ងៃសុក្រទី២១ ខែមិថុនា ឆ្នាំ ២០២៤ ប្រភពព័ត៌មានពីប្រជាពលរដ្ឋ បានក្រសិបប្រាប់ភ្នាក់ងារសារព័ត៌មាន SCN TV NEWS យើងថា មានទីតាំងហាងកាហ្វេមួយកន្លែងដែលមានយីហោ សុខសាន្តពីរ ស្ថិតនៅតាមបណ្ដោយផ្លូវ217 ក្នុង សង្កាត់ស្ទឹងមានជ័យទី៣ កំពុងបើកទទួលភ្ញៀវឲ្យចូលលេងភ្លូកទឹកភ្លូកដី ហាក់បីដូចជាគ្មានខ្លាចញញើតច្បាប់បន្តិចសោះ
ប្រជាពលរដ្ឋ ក៏ដូចជាមហាជនបានឱ្យដឹងទៀតថាក្រុមអ្នកញៀនលេងល្បែងស៊ីសងឆ្នោតឡូតូ តែងតែចូលទៅលេងផ្នាល់ដាក់លុយរាប់ម៉ឺនសែនរៀលយ៉ាងសប្បាយពុំមានការខ្វល់ខ្វាយ ខ្លាចញញើតច្បាប់បន្តិចសោះ ប្រជាពលរដ្ឋរស់នៅសង្កាត់ស្ទឹងមានជ័យទីបី មានការភ័យខ្លាចកើតមានចោរ កម្ម លួច ឆក់ ប្លន់ និងអំពើហិង្សាក្នុងភូមិឃុំជាដើម
ប្រជាពលរដ្ឋ ក៏ដូចជាមហាជន ដែលរស់នៅនៅសង្កាត់ស្ទឹងមានជ័យទី៣ខណ្ឌមានជ័យ រាជធានីភ្នំពេញ សូមសុំណូមពរទៅដល់ លោកឯម ភារីមេប៉ុស្តិ៍ ស្ទឹងមានជ័យទី៣ ជាពិសេសសូមសុំណូមពរទៅដល់លោក អ៊ុក ម៉ូនីន អធិការខណ្ឌមានជ័យ មេត្តាចាត់មន្ត្រីក្រោមឱវាទចុះជួយទ្រូតពិនិត្យ ទីតាំងហាងកាហ្វេ មានយីហោងសុខសាន្ត2 ខាងលើផងទានដើម្បីពង្រឹងសន្តិសុខសង្គម។
