ទីតាំងលេងល្បែងស៊ីសងឆ្នោតឡូតូតាមប្រព័ន្ធអនឡាញរីកដូចផ្សិតក្នុងទឹកដីខណ្ឌពោធិ៍សែនជ័យ
ភ្នំពេញ÷ថ្ងៃទី ៥ ខែមិថុនា ឆ្នាំ ២០២៤ ប្រភពព័ត៌មានពីប្រជាពលរដ្ឋ បានក្រសិបប្រាប់ភ្នាក់ងារសារព័ត៌មាន SCN tVNEWS យើងថា មានទីតាំងហាងកាហ្វេមួយកន្លែងដែលមានយីហោ លក្ខិ ណា ស្ថិតនៅតាមបណ្ដោយផ្លូវបេតុង ក្នុងភូមិព្រៃជីសាក់ សង្កាត់ចោមចៅទី៣ កំពុងបើកទទួលភ្ញៀវឲ្យចូលលេងភ្លូកទឹកភ្លូកដី ហាក់បីដូចជាគ្មានខ្លាចញញើតច្បាប់បន្តិចសោះ ។
ប្រជាពលរដ្ឋ ក៏ដូចជាមហាជនបានឱ្យដឹងទៀតថាក្រុមអ្នកញៀនលេងល្បែងស៊ីសងឆ្នោតឡូតូ តែងតែចូលទៅលេងផ្នាល់ដាក់លុយរាប់ម៉ឺនសែនរៀលយ៉ាងសប្បាយពុំមានការខ្វល់ខ្វាយ ខ្លាចញញើតច្បាប់បន្តិចសោះ ប្រជាពលរដ្ឋរស់នៅភូមិព្រៃជីសាក់ មានការភ័យខ្លាចកើតមានចោរ កម្ម លួច ឆក់ ប្លន់ និងអំពើហិង្សាក្នុងភូមិឃុំជាដើម។
ប្រជាពលរដ្ឋ ក៏ដូចជាមហាជន រស់នៅភូមិព្រៃជីសាក់ សង្កាត់ចោមចៅ ទី៣ខណ្ឌពោធិ៍សែនជ័យ រាជធានីភ្នំពេញ សូមសុំណូមពរទៅដល់ លោកមេប៉ុស្តិ៍ចោមចៅ ទី៣ជាពិសេសសូមសុំណូមពរទៅដល់ លោកអធិការ ខណ្ឌពោធិសែនជ័យ ម៉ន វុធ្ធី មេត្តាចាត់មន្ត្រីក្រោមឱវាទចុះជួយទ្រូតពិនិត្យ ទីតាំងហាងកាហ្វេ មានយីហោង លក្ខិណា ខាងលើផងទានដើម្បីពង្រឹងសន្តិសុខសង្គម។
